Anetaret

1.Everest IE

E krijuar në 1995, EVEREST IE është lider në fushën e prodhimit dhe stampimit të ambalazheve plastike fleksibile prej polietileni dhe ricikluesi më i madh i mbetjeve prej polietilenit në Shqipëri.

Produktet kryesore listojnë: qese shopping për supermarkete dhe aktivitete të tjera, qese mbeturinash të standarteve dhe ngjyrave të ndryshme, çanta për butikë dhe aktivitete të tjera tregëtare, ambalazhe për produkte ushqimore, ambalazhe për materiale ndërtimi, etiketa për shishet e lëngjeve, ujit dhe pijeve të ndryshme, lëndë të parë të ricikluar granulat polietileni etj.

Veçori dalluese e shoqërisë është se sasia më e madhe e produkteve ofrohet nga lëndë të para të ricikluara, duke patur kështu jo vetëm avantazh në kostot e prodhimit, por edhe duke ripërdorur lëndët e para nga vendi, fakt ky që sjell ruajtjen dhe zhvillimin e një mjedisi të qëndrueshëm.

2.AL-MAR sh.p.k.

Al- Mar Shpk zhvillon aktivitetin e saj në fushën e prodhimit të ambalazheve plastike dhe të letrës, me dhe pa stampim, të formave dhe dimensioneve të ndryshme. AL-MAR ka qenë fabrika e parë shqiptare e këtij lloji në vendin tonë.

Që nga fillimi i aktivitetit e deri tani, kemi arritur të konsolidohemi si në cilësinë e produkteve dhe në shumllojshmërine e tyre. Tashmë  realizojnë një gamë të madhe produktesh, të gjitha të standarteve Europiane. Fabrika është unike në Shqipëri për stampime fleksografike dhe rotogravure ne polietilen, PP, OPP, BOPP, PET, fletë alumini dhe letër.

Nëpërmjet makinerive moderne të fabrikës, arrijmë të realizojmë të gjitha llojet e stampimeve duke bërë të mundur për cdo klient të realizojë paketimin e produktit sipas imazhit të markës së tij.

3.Poly Pack shpk

POLYPACK Sh.p.k është fabrikë moderne e prodhimit të ambalazheve të plasmasit dhe ofron një gamë të gjerë produktesh edhe me stampë duke reklamuar aktivitetin tuaj nëpër cdo qese (paketim plasmasi). Kapacitet të larte dhe cilësi të garantuar.

4.RIA PLASTIK Shpk

Fabrika “R-I-A PLASTIK” është hapur në vitin 2005 dhe është zgjeruar më tej në vitin 2011 në Tiranë duke shtuar dhe produkte të reja si tubo me dy shtresa, tub te drejtë, kuti celsa prize 3, 4, dhe 6 module, kuti PT brënda murit dhe bashkuese të tubit fleksibël.

5.Bell Shpk

Kompania është profilizuar në prodhimin e materialeve të tilla si: qese plastike, thasë të dimensioneve të ndryshme të cilat gjejnë përdorim kryesisht  në paketimin e produkteve të ndryshme.

6.Confort Shpk
Confort shpk është ngritur në vitin 1995 në qytetin e Durrësit, si prodhuese e tubave, pajisjeve dhe ulluqeve me standarte europiane. Vizioni i saj është që të bëhet një nga kompanitë lider në prodhimin e tubacioneve plastike në Europe. Confort njihet për risi,  cilësi dhe angazhim. Produktet e saj konkurojnë në cilesi me ato europiane dhe me cmime tepër të favorshme.

Produktet Confort përfshijnë një gamë të gjerë të gypave , pajisje dhe ulluqeve në PVC, RPP dhe PPHT . Kujdes i veçantë i kushtohet përzgjedhjes se lëndëve të para, të cilat janë të gjitha të certifikuara sipas standardeve evropiane .

7. B Recycle

BRECYCLE është një ndërmarrje e re, e cila ushtron aktivitetin e saj në fushën e përpunimit dhe riciklimit të mbetjeve urbane dhe në mënyrë të veçantë në riciklimin e mbetjeve plastike.

E pajisur me një impjant prej 2000 kg/orë dhe në gjendje për të trajtuar deri në 12000 ton/vit shishe PET të ardhura nga mbledhja e diferencuar duke prodhuar PET të ricikluar në formë kokërizash me cilësi të lartë e aftë të plotësojë kërkesat për tregun e brendshëm si dhe për eksport.

8.B.I.A.P Shpk

Kompania B.I.A.P.Shpk është inisiativë e një grupi miqsh italo-shqiptarë të cilët operonin në Itali dhe Shqipëri në fusha të ndryshme biznesi që nuk kishin asnjë gjë të përbashkët me riciklimin.
Ky projekt ka nisur që në pranverën e vitit 2005 duke studjuar disa aktivitete të ngjashme në Itali ,Greqi, etj.

9.Agroplast Shpk

Agroplast Shpk është një kompani Shqiptaro-Bullgare që është e specializuar në prodhimin e pllakave plastike, fletëve , tubave dhe profileve .

Adresa: Kashar, Tirane